Þingflokkur Pírata hefur lagt fram þingsályktunartillögu á Alþingi um að fram fari þjóðaratkvæðagreiðsla um það hvort óska eigi eftir nýjum viðræðum við Evrópusambandið um inngöngu Íslands í sambandið. Þjóðaratkvæðið fari fram vorið 2018.

Spurt verði: Vilt þú að ríkisstjórnin hefji að nýju samningaviðræður við Evrópusambandið um hugsanlega inngöngu Íslands? Rifjað er upp í greinargerð að sótt hafi verið um inngöngu í sambandið sumarið 2009. Umsóknarferlið var sett á ís skömmu fyrir þingkosningarnar 2013 af þáverandi ríkisstjórn Samfylkingarinnar og Vinstri hreyfingarinnar – græns framboðs. Ríkisstjórn Sjálfstæðisflokksins og Framsóknarflokksins tilkynnti Evrópusambandinu síðan 2015 að Ísland væri ekki lengur umsóknarríki að sambandinu.

Þingflokkur Pírata telur að síðan þá hafi staða Íslands verið óskýr í þessum efnum. „Hér er lagt til að vilji almennings í málinu verði fenginn fram með skýrum hætti til leiðbeiningar fyrir Alþingi og ríkisstjórnina um framhaldið.“

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Páll Vilhjálmsson: Spurningalýðræði Pírata
• Eyjólfur Jónsson: Við skulum kjósa um að koma Pírata líðnum úr landi.
• Sigurbjörn Sveinsson: Píratar eru ekki píratar; þeir eru loddarar
• Gústaf Adolf Skúlason: Hólmfríði finnst mikilvægt að styðja þjóðaratkvæðagreiðslu um "hvort óska eigi …