Lögreglan á Akureyri hefur lokað yfirheyrslum yfir fjórða manninum sem var handtekinn í tengslum við rannsókn á hnífstungu og fíkniefnamáli. Tekin verður ákvörðun um gæsluvarðhald síðar í dag.
Dómari við Héraðsdóm Norðurlands eystra hefur nú þegar fallist á beiðni rannsóknarlögreglunnar á Akureyri um að tveir karlar og ein kona sæti gæsluvarðhaldi fram á föstudag vegna hnífstunguárásar sem átti sér stað í Kjarnaskógi á Akureyri á föstudaginn langa.
Lögreglunni á Akureyri barst tilkynning um tvö leytið um að maður hefði verið stunginn með hníf tvívegis í lærið í skóginum eftir að ósætti og átök brutust út. Fórnarlambið var flutt á sjúkrahús en það blæddi töluvert úr sárum þess, samkvæmt upplýsingum frá lögreglu. Hann fór í aðgerð á sjúkrahúsinu sem tók nokkrar klukkustundir en er ekki lengur í lífshættu.
Samkvæmt upplýsingum frá lögreglu var maðurinn handtekinn síðar en aðrir vegna þess að í fyrstu var ekki vitað um hann. Hann er kunningi hinna þriggja og hefur að sögn lögreglu verið nokkuð samstarfsfús.