ESB ekki á dagskrá næstu árin
Setja bókamerki
„Það er margstaðfest á löngum tíma að sterkur meirihluti Íslendinga er andvígur aðild að Evrópusambandinu. Menn sjá Evrópusambandið sem ólýðræðislegt skriffinnsku- og valdabákn og tilræði við þjóðlegt fullveldi,“ segir Jón Sigurðsson, fyrrverandi seðlabankastjóri, ráðherra og formaður Framsóknarflokksins, á vefsíðu sinni. Segir hann að mikið þurfi að gerast til þess að afstaða þjóðarinnar til inngöngu í sambandið breytist.
Sjálfur hefur Jón talað fyrir því í gegnum tíðina að Ísland gangi í Evrópusambandið en segir nú að það verði ekki á dagskrá um fyrirsjáanlega framtíð. Fyrir því tiltekur hann ýmsar ástæður. Þar á meðal útgöngu Bretlands úr sambandinu og efnahagsvanda Grikkja. Evrópusambandinu og evrunni sé kennt um ýmsan heimatilbúinn vanda. Bætir hann því við að Bretar geti hins vegar vel bjargað sér utan Evrópusambandsins og sambandið án þeirra.
„Hugsanlega ganga nokkur ríki úr Evrópusambandinu á næstu árum. Styrkur sambandsins og vægi miðast aftur á móti mest við Þjóðverja, Frakka og Niðurlendinga, og jafnvel einnig Ítala, Íra og Spánverja. Úrsögn sumra ríkja mun líklega helst hreinsa loftið. Margt bendir til að útþensla Evrópusambandsins hafi gengið of hratt og miklu hægari þróun sé heppilegari,“ segir Jón ennfremur.
Spara stórfé með olíukaupum ytra
Skiptir mestu máli að fjárlögin voru samþykkt
Búseta skortir byggingarlóðir
Erlendir miðlar greina frá tíunda gosinu
Borgin verður af milljörðum eftir dóm Hæstaréttar
Hvað gerðist eiginlega í VMA?
Heitt vatn fannst sem gæti annað 10 þúsund manns
Óttast að fólk fari aftur að eyða peningum