Ferðamenn stytta dvölina á Íslandi
Setja bókamerki
Meðaldvöl útlendinga hér á landi styttist á síðasta ári og fór úr fjórum og hálfri nótt niður í 3,8 nætur. Vefsíðan Túristi.is greinir frá þessu.
Þar kemur fram að síðustu ár hafi gistinóttum útlendinga hér á landi fjölgað hlutfallslega í takt við aukninguna í komu erlendra ferðamanna til landsins.
„Árið 2015 fjölgaði ferðamönnunum hins vegar aðeins meira en gistinóttum útlendinga. Í fyrra rofnaði samband þessara tveggja stærða því þá fjölgaði ferðamönnunum um 40% en gistinóttunum um 22%. Þar með styttist meðaldvöl útlendinga hér á landi niður í 3,8 nætur eftir að hafa verið í kringum fjóra og hálfa nótt nær undantekningarlaust á árunum 2003 til 2015 eins og sjá má á grafinu hér fyrir neðan,“ segir á vefsíðunni.
Túristi.is vann samanburðinn úr tölum Hagstofu Íslands um heildargistináttafjölda útlendinga og talningu Ferðamálastofu á komum erlendra ferðamanna. Inni í tölunum eru ekki gistingar í óskráðu gistirými, til dæmis í Airbnb.
„Mögulegar skýringar á því að meðaldvöl útlendinga hér á landi minnki svona snögglega í fyrra, eftir að hafa staðið í stað nær alla þessa öld, kann að skrifast á mikla styrkingu krónunnar. Hver nótt á íslensku hóteli er orðin nokkuð dýrari en hún var í fyrra eða árin þar á undan og því gætu margir kosið að stytta dvölina. Önnur möguleg skýring er sú að hlutfall skiptifarþega Icelandair og WOW air í ferðamannafjöldanum sé orðið mun hærra en áður,“ segir á vefsíðunni.
Staðan alvarleg og stutt í aðgerðir
Þykir gott að flóðin féllu
Íbúar komnir heim á ný
Stakk móður sína yfir tuttugu sinnum
Viðurkennir ábyrgð og segir af sér
Ekki tekist að vernda börn þrátt fyrir vitneskju
Stefnt að afgreiðslu Íslandsbankasölu á vorþingi
Viljum hvorki vera Danir né Bandaríkjamenn