Ákvæðið um þjóðaratkvæði fallið úr gildi

Heim­ild sem sett var inn í stjórn­ar­skrá lýðveld­is­ins fyr­ir þing­kosn­ing­arn­ar 2013 til bráðabirgða, þar sem gert er ráð fyr­ir að hægt verði að breyta stjórn­ar­skránni í krafti þjóðar­at­kvæðagreiðslu, er fall­in úr gildi en heim­ild­in rann út á miðnætti.

Hefðbund­in leið til þess að breyta stjórn­ar­skránni er að rjúfa þurfi þing eft­ir að slík breyt­ing hef­ur verið samþykkt af meiri­hluta þing­manna og boða til kosn­inga. Meiri­hluti ný­kjör­ins þings þarf þá einnig að samþykkja breyt­ing­una svo hún taki gildi.

Samið var hins veg­ar um það fyr­ir kosn­ing­arn­ar 2013 að slíkt ákvæði yrði sett í stjórn­ar­skrána til þess að ekki þyrfti að bíða til þarnæstu þing­kosn­inga en alla jafna hef­ur stjórn­ar­skránni verið breytt sam­hliða reglu­bundn­um þing­kosn­ing­um.

Sam­komu­lagið kom til í kjöl­far þess að þáver­andi rík­is­stjórn Sam­fylk­ing­ar­inn­ar og Vinstri hreyf­ing­ar­inn­ar – græns fram­boðs tókst ekki að koma í gegn­um þingið frum­varpi að nýrri stjórn­ar­skrá byggðu á til­lög­um stjórn­lagaráðs.

Hins veg­ar hef­ur verið ljóst frá því á síðasta ári að ekki kæmi til slíkr­ar þjóðar­at­kvæðagreiðslu enda hefði til þess þurft að samþykkja á Alþingi frum­varp um breyt­ing­ar á stjórn­ar­skránni fyr­ir rúm­um sex mánuðum. Það var hins veg­ar ekki gert.

• 5 blogg um frétt­ina

Bloggað um frétt­ina

• Ómar Ragn­ars­son: Fyr­ir­sjá­an­legt að ákvæðið frá 2013 yrði gagns­laust.
• Gúst­af Ad­olf Skúla­son: Ísland orðið Ísland aft­ur
• Sam­tök um rann­sókn­ir á ESB ...: Enda­punkt­ur við at­lög­ur Jó­hönnu­stjórn­ar að stjórn­ar­skránni og full­veldi lands­ins
• Gunn­ar Rögn­valds­son: Sig­ur: skila­boð til fimm­flokks­ins: Ákvæðið um þjóðar­at­kvæði fallið úr gildi!
• Páll Vil­hjálms­son: Enda­lok stóra stjórn­ar­skrár­máls­ins - bylt­ing­in næst á dag­skrá