Fagnar fleiri lokunum
Setja bókamerki
Morguninn hefur verið tíðindalítill hjá björgunarsveitum landsins þrátt fyrir vonskuveður á Suðaustur- og Austurlandi. Hringvegurinn er lokaður á milli Gígjukvíslar og Jökulsárlóns en stormviðvörun gildir fyrir þetta landsvæði.
Þorsteinn Gunnarsson, upplýsingafulltrúi Landsbjargar, segir að þar sé fólk við öllu búið. „Sem betur fer hefur allt gengið vel og það skiptir afskaplega miklu máli að fá þessar viðvaranir svona tímanlega, eins og verið hefur að undanförnu,“ segir Þorsteinn en þetta er í annað skipti í vikunni sem hluta af hringveginum á suðurhluta landsins er lokað vegna veðurs.
„Tilkynningar um lokun deginum áður auðveldar fólki bæði að skipuleggja sig og taka ákvörðun um að vera ekkert á ferðalagi að óþörfu,“ bætir Þorsteinn við.
„Einu sinni var aldrei lokað. Síðan hafa áherslur breyst og við fögnum því vegna þess að þetta dregur verulega úr bæði slysum og eignatjóni og óþarfa útköllum björgunarsveita.“
Létu lofthræðsluna ekki á sig fá
Heimildarmenn tala um hápólitískt drama
Vonir bundnar við morgundaginn
Hvatti kjósendur til þess að greiða ógild atkvæði
Fundur hafinn hjá kennurum, ríki og sveitarfélögum
Falskur fyrirvari á auglýsingum Höllu
Rannsókn á menningarnæturmáli lokið
Ákærður fyrir stunguárás á menningarnótt