Viðbúnaðarstig vegna hryðjuverkaógnar verður ekki hækkað hér á landi í kjölfar sjálfsvígsárásarinnar í Manchester í gærkvöldi. 22 létu lífið en árásin var gerð á tónleikum Ariönu Grande.

„Við fórum yfir þetta mál í morgun, allir helstu sérfræðingar embættis ríkislögreglustjóra,“ segir Haraldur Johannessen ríkislögreglustjóri í samtali við mbl.is. „Við höfum fengið ákveðnar upplýsingar frá lögreglunni í Bretlandi og okkar niðurstaða er sú að halda óbreyttu stigi hér heima.“

Hryðju­verka­sam­tök­in Ríki íslams lýstu yfir ábyrgð á árás­inni í morg­un.

Spurður hvort unnið væri eftir sérstakri áætlun ef árás yrði gerð hér á landi segir Haraldur að svo sé. Lögreglan er með sérstakt viðbúnaðarskipulag og þá hefur þjálfun lögreglumanna verið aukin undanfarin þrjú ár.

„Við vinnum eftir okkar áætlunum. Liður í þeim er að kalla saman þennan hóp og fara yfir málin og meta stöðuna. Eins og staðan er núna var það mat okkar að það þyrfti ekki að hækka viðbúnað á þessu stigi.“

Tengdar fréttir

Hryðjuverk í Manchester

Voru í pásu þegar hryðjuverkamaðurinn gekk inn

• Í lífstíðarfangelsi vegna Manchester-árásarinnar
• Samsekur í sjálfsvígsárás
• Sakfelldur fyrir 22 morð í Manchester
• Breski sjóherinn bjargaði Abedi

» Fleiri tengdar fréttir

• 1 blogg um fréttina

Bloggað um fréttina

• Kolbrún Hilmars: Viðbúnaður - viðbrögð