Lögmannafélag Íslands hefur frest til klukkan 14 í dag til að skila svari til stjórnskipunar- og eftirlitsnefndar Alþingis með afstöðu sinni til tillögu dómsmálaráðherra um skipan dómara í Landsrétti.

Þetta staðfestir Reimar Pétursson, formaður Lögmannafélags Íslands, við mbl.is. „Við erum með þetta í skoðun í augnablikinu.“

Nefndin óskaði eftir afstöðu félagsins. Fresturinn átti upphaflega að renna út klukkan 12 í dag en hann var framlengdur um tvær klukkustundir.

Reimar kom fyrir stjórnskipunar- og eftirlitsnefnd í gær en sat ekki fund hennar í morgun.

Hann segir að nefndin hefði lýst yfir afstöðu sinni til tillögu ráðherra þegar hún kom fyrst fram en síðan þá hafa fleiri upplýsingar komið fram.

Sigríður Á. Andersen dómsmálaráðherra. mbl.is/Eggert Jóhannesson

Tengdar fréttir

Landsréttur

Eiganda buy.is gert að greiða 258 milljónir

• Sex mál endurupptekin vegna Landsréttarmálsins
• Mál Guðmundar fyrir Landsrétt á ný
• Endurupptaka breyti ekki endilega niðurstöðunni
• Gott að það sé komin staðfesting

» Fleiri tengdar fréttir

• Blogga um frétt