„Við þurfum „fokking“ tíma“
Setja bókamerki
„Við þurfum „fokking“ tíma til að geta unnið þetta mál,“ sagði Jón Þór Ólafsson, þingmaður Pírata, á Alþingi í umræðu um skipun dómara í Landsrétt.
Skömmu síðar bast hann velvirðingar á orðalagi sínu og sagðist hafa misst blótsyrðið út úr sér.
„En við erum almennir borgarar sem þurfum tíma til að vinna þetta mál,“ sagði hann og var heitt í hamsi. Hann benti á að sérfræðingar hefðu sagt að ráðherra gæti hugsanlega verið að brjóta lög við skipun dómara.
Jón Þór bað um tíma til 1. júlí til að vinna málið betur.
Í morgun fór Jón Þór fram á að stjórnskipunar- og eftirlitsnefnd rannsaki málið og kalli ráðherra fyrir opinn fund þar sem ákvörðun hennar um skipun dómara verði rannsökuð ofan í kjölinn.
Sagði hann jafnframt rökstuðning ráðherra fyrir ákvörðun sinni ekki vera fullnægjandi.
Unnu eftir kröfugerð sem lögð var fram í upphafi
Óeðlilegt að sama gjald verði tekið óháð þyngd
Ekki eins og jólasveinn á hreindýrssleða
„Það er sárt að svona fór“
Þórður mun ekki taka þingsæti
„Mér var haldið sofandi í níu sólarhringa“
„Þetta er algerlega hans ákvörðun“
Ingibjörg skiptir um skoðun á ummælum Þórðar