Sérsveit lögreglunnar var kölluð út vegna alvarlegs atviks við Æsustaðaveg í Mosfellsdal. Töluverður viðbúnaður er á svæðinu og menn hafa verið handteknir.

„Við erum að rannsaka þarna mjög alvarlegt mál, alvarlega líkamsárás. Það hafa verið handteknir menn í tengslum við það,“ segir Grímur Grímsson, yfirmaður miðlægrar rannsóknardeildar í samtali við mbl.is.

Einn var fluttur af vettvangi í sjúkrabíl, samkvæmt upplýsingum frá slökkviliði höfuðborgarsvæðisins.

Árni Þór Sigmundsson, aðstoðaryfirlögregluþjónn og stöðvarstjóri lögreglunnar á svæðinu, segist ekki geta tjáð sig um málið. Tilkynningar frá lögreglu sé þó að vænta síðar í kvöld.

Samkvæmt upplýsingum frá sumarbúðunum í Reykjadal tengjast atburðirnir þeim ekki.

Tæknideild lögreglunnar er að störfum á svæðinu.

Tengdar fréttir

Manndráp Mosfellsdal

Jón Trausti fær 1,8 milljónir í bætur

• Jón Trausti vill skaðabætur frá ríkinu
• Landsréttur staðfestir 6 ára dóm
• Nabakowski-bræður krefjast skaðabóta
• Efast um framburð vitna

» Fleiri tengdar fréttir

• Blogga um frétt