Árvökulir litahlauparar hafa veitt því athygli að nokkrir sérsveitarmenn í fullum skrúða hafa staðið vaktina í miðborginni í dag, en þar fer fram hið svokallaða Litahlaup eða Color Run.

Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu, segir í samtali við mbl.is að sérsveitarmennirnir séu á svæðinu við almenn löggæslustörf, en um 20 lögreglumenn starfa við atburðinn með einum eða öðrum hætti í dag.

Frétt af mbl.is

Götulokanir vegna Color Run

„Lögreglan er við eftirlit á svæðinu og sérsveitarmenn ganga til almennra starfa eins og aðrir lögreglumenn á landinu. Lögreglan er við mannfreka atburði. Hún er viðstödd og með eftirlit. Þetta er hluti af því ferli,“ segir Ásgeir um löggæsluna, en hlaupið hefur gengið stóráfallalaust fyrir sig fram að þessu.

Ásgeir getur hins vegar ekki svarað þeirri spurningu hvort það sé sérstök ástæða fyrir því að sérsveitarmenn hafi verið valdir til almennra löggæslustarfa við þennan tiltekna viðburð í dag.

Aðspurður hvort eftirlitið í hlaupinu í dag sé meira en áður við sama viðburð svarar Ásgeir: „Meira og ekki meira. Þetta eru svo sem ekki margir lögreglumenn sem eru hérna í miðborginni. Við erum með umferðardeildina, reiðhjólamenn og sérsveitarmenn sem eru partur af löggæslusviði landsins.“

Tengdar fréttir

Þjóðaröryggismál

Veltir fyrir sér öryggi kínverskra sæstrengja

• Mögulegur olíuskortur í landinu þjóðaröryggismál
• Sameina flugherina vegna kjarnorkuhers Rússa
• Stjórnkerfið skortir burði í öryggismálum
• Stefnt er að opnun nýs þjóðgarðs 17. júní

» Fleiri tengdar fréttir

• Blogga um frétt