Samið um kaup á St. Jósefsspítala
Setja bókamerki
Hafnarfjarðarbær hefur gert kaupsamning við ríkið um kaup á St. Jósefsspítala. Kaupsamningurinn verður lagður fram á bæjarstjórnarfundi í næstu viku en drög að honum voru kynnt á bæjarstjórnarfundi í morgun.
„Þetta er mjög ánægjulegt. Það hefur verið keppikefli að koma starfsemi þarna inn aftur eftir að starfsemi lagðist af í húsnæðinu fyrir fimm árum,“ segir Rósa Guðbjartsdóttir, formaður bæjarráðs Hafnarfjarðarbæjar. Frá því að starfsemi spítalans var færð yfir til Landspítalans fyrir fimm árum hefur húsnæðið staðið autt.
Aðspurð hvort kaupverðið sé 100 milljónir króna, eins og kom fram í frétt Rúv um málið, vildi Rósa ekki staðfesta það. Íslenska ríkið á 85 prósenta hlut á móti 15 prósenta hlut bæjarins.
Spítalinn var byggður 1926 eftir teikningum Guðjóns Samúelssonar. Samkvæmt skipulagi bæjarins er gert ráð fyrir samfélagslegri þjónustu í húsnæðinu. Hvers konar þjónusta verði veitt þar á enn eftir að koma í ljós.
„Við munum skipa starfshóp fljótlega sem mun vinna hratt og vel að því að koma fram með ýmsar hugmyndir að starfsemi í húsinu,“ segir Rósa og tekur fram að allt sé opið í þessum efnum.
Húsið hafði verið á sölu fyrir nokkrum árum en engin ásættanleg tilboð bárust í það.
Sendi nektarmyndir af dreng sem hann passaði
Hvatti kjósendur til þess að greiða ógild atkvæði
Rannsókn á menningarnæturmáli lokið
Heimildarmenn tala um hápólitískt drama
„Við vöknuðum við hljóð frá sprengingum“
Létu lofthræðsluna ekki á sig fá
Ekki hægt að slá gosið út af borðinu strax