Listflug og 17 júní-gleði á Akureyri

Flugsafn Íslands hélt sinn árlega flugdag hátíðlegan á Akureyrarflugvelli í dag. Þar sýndu flugmenn listir sínar og á einum tímapunkti voru ellefu smávélar í loftinu í einu.

TF SYN, þyrla Landhelgisgæslunnar, sýndi jafnframt hífingar og björgun.

Talið er að um eitt þúsund manns hafi mætt á flugdaginn í dag.

Á Ráðhústorginu var haldin fjölskylduskemmtun í tilefni af sautjánda júní. Þar var Regína Ósk á meðal skemmtikrafta.

Svolítil rigning var á Akureyri í dag en það var ekki að sjá að það færi illa í gestina, sem skemmtu sér konunglega.