Ökumaður fólksbifreiðar lét lífið í umferðarslysi í Öxnadal sem tilkynnt var um klukkan 16.30 í dag. Hringveginum fyrir norðan var lokað um tíma vegna slyssins, sem varð þegar tvær fólksbifreiðar lentu saman.
Þrír voru fluttir á sjúkrahúsið á Akureyri, þar sem annar ökumaðurinn var úrskurðaður látinn. Hinir tveir eru ekki taldir alvarlega slasaðir.
Frá þessu er greint á Facebook-síðu lögreglunnar á Norðurlandi eystra.