Grindhvalirnir helsærðir og áttavilltir

Rúmlega 100 grind­hval­ir voru rekn­ir frá landi við Bug, aust­an við Ólafs­vík á Snæ­fellsnesi, fyrr í dag. Stuttu síðar syntu þeir aft­ur á land við hafn­argarðinn á Rifi. Bát­ar Lífs­bjarg­ar eru nú að stugga hvöl­un­um aftur frá landi. Snorri Rafnsson sjómaður rak hvalina fyrstur í morgun frá strönd og lét björgunarsveitina vita þegar þeir sneru aftur í fjöruna. Hann segir hvalina helsærða og áttavillta.

Snorri var á leið sinni til veiða í morgun, ásamt vinum sínum, þegar hann sá grindhvalina hundrað, syndandi í land. Hann tók þá til sinna ráða og hóf að reka hvalina frá ströndinni á kajak. „Ég vissi hvað var að fara að gerast. Þeir voru að fara að stranda. Þetta hefur gerst hérna nokkrum sinnum síðan ég var polli,“ segir Snorri í viðtali við blaðamann mbl.is.

Snorri segir hvalina vera í slæmu ástandi og mikið særðir. „Þeir voru búnir að negla svo oft á grjótgarðinn að allt var út í blóði þarna. Þeir voru alveg helsærðir.“ mbl.is/Alfons Finnsson

Stuttu síðar tók björgunarsveitin Lífsbjörg við og rak þá langt út á fjörðinn. „Þá héldu allir að þetta væri búið,“ segir Snorri. Hvalirnir sneru aftur á móti við og syntu í land á ný. „Hrúgan fer í áttina að Rifi aftur að landi og beint upp í sandfjöruna. Þá er ég akkúrat að koma þangað aftur,“ segir hann. Hann hóf þá ásamt félögum sínum að ýta hvölunum aftur frá fjörunni og hringdi rakleiðis í björgunarsveitina.

Hann segir hvalina afar ringlaða, en ef þeir komist frá fjörunni geti verið að þeir nái áttum: „Um leið og þeir komast út og sjá klettana og grjótið þá ná þeir sér á strik.“ Þeir séu þó í slæmu ástandi og mikið særðir. „Þeir voru búnir að negla svo oft á grjótgarðinn að allt var út í blóði þarna. Þeir voru alveg helsærðir,“ segir Snorri.

Snorri tók upp myndskeið af hvölunum þegar þeir voru komnir í hafnagarðinn á Rifi. Hann birti myndskeiðið á Snapchat-aðgangi sínum „vargurinn“. Í því má sjá þegar hann ýtir hval úr fjörunni.

„Ég vissi hvað var að fara gerast. Þeir voru að fara að stranda. Þetta hefur gerst hérna nokkrum sinnum síðan ég var polli,“ segir Snorri í viðtali við blaðamann mbl.is. mbl.is/Alfons Finnsson

• Blogga um frétt