Ætluðu fótgangandi yfir Skaftá

Hópur skáta sem björgunarsveitin var kölluð út vegna í gær ætlaði að vaða yfir Skaftá. Hópurinn var á leið frá Laka yfir á Fjallabak fótgangandi, að sögn lögreglu. 

Skátarnir voru 10 saman og höfðu ætlað að leggja leið sína yfir Skaftá. Lögreglan á Suðurlandi segir fólkið ekki hafa áttað sig á aðstæðum. Björgunarsveitin náði að koma 9 úr hópunum á land en kalla þurfti út þyrlu Landhelgisgæslu vegna eins þeirra. 

Frétt af mbl.is

Þyrla bjargaði skáta úr Skaftá

Hópurinn var svo fluttur að Kirkjubæjarklaustri þar sem þau hituðu sig upp eftir hrakfarirnar í jökulánni og gistu á tjaldsvæðinu þar í nótt. 

Milli 50 og 60 björgunarsveitarmenn tóku þátt í aðgerðunum og kom fram í samtali mbl.is við björgunarsveitina á Hvolsvelli að uppátæki skátanna væri algjört glapræði. 

• Blogga um frétt