Ferðamaður féll í Gullfoss nú rétt fyrir klukkan fimm í dag. Þetta staðfestir lögreglan á Suðurlandi.

Þyrla Landhelgisgæslunnar, TF-LÍF, er komin á staðinn, ásamt öllu tiltæku sjúkra-, lögreglu- og björgunarliði og stendur nú yfir leit að manninum.

Eftir að TF-LÍF var komin á staðinn ákvað Landhelgisgæslan að senda aðra þyrlu af stað með sérhæfða björgunarsveitarmenn frá Slysavarnafélaginu Landsbjörg og fór hún í loftið klukkan 17.37. Búist var við að hún kæmi á vettvang um sexleytið. 

Tilkynning frá Landhelgisgæslunni:

Stjórnstöð Landhelgisgæslunnar barst laust fyrir klukkan fimm beiðni frá Neyðarlínu um aðstoð þyrlu vegna atviks sem átti sér stað við Gullfoss. TF-LIF fór í loftið klukkan 17:13 og var hún komin á vettvang rúmum tuttugu mínútum síðar. Ákveðið var að senda aðra þyrlu af stað með sérhæfða björgunarsveitarmenn frá Slysavarnafélaginu Landsbjörg og fór hún í loftið klukkan 17.37. Búist var við að hún kæmi á vettvang um sexleytið. Stjórn aðgerða er í höndum lögreglunnar á Suðurlandi.

Fréttin verður uppfærð

Tengdar fréttir

Maður féll í Gullfoss

Staðfest að líkið var af Begadze

• Líkfundur í Hvítá
• Erill hjá þyrlum Gæslunnar í gær
• Litast áfram um eftir Begades
• Leitinni að Begades hætt í bili

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Ekki spurning um hvort heldur hvenær