Hitamet sumarsins slegið með 27,7 gráðum
Setja bókamerki
Hitamet sumarsins féll í dag, þegar 27,7 gráður mældust á Végeirsstöðum í Fnjóskadal. Hiti hefur ekki mælst jafnhár frá því árið 2012, þegar hann mældist 28 gráður, samkvæmt upplýsingum frá vakthafandi veðurfræðingi á Veðurstofu Íslands.
Í dag er hlýjast í innsveitum á Norður- og Vesturlandi og víða er léttskýjað. Á Ásbyrgi og Tjörnesi í Gerðibrekku mældist 26,5 stiga hiti og á Reykjum í Fnjóskadal mældist 25,9 stiga hiti. Við austurströndina eru aftur á móti einhverjir þokkubakkar og einnig er örlítið skýjað á Suðausturlandi.
Samkvæmt upplýsingum frá Helgu Ívarsdóttur, veðurfræðingi á vakt, mun veður verða áfram með svipuðu móti á morgun en svo fari það kólnandi. „Það er aðeins norðaustlægari vindur á morgun,“ segir Helga.
„Það verður bjartara í Reykjavík og ég vona að það verði aðeins bjartara yfir en við náum ekki svona miklum hita þar sem við eigum von á hafgolu,“ bætir hún við. Í Reykjavík er því spáð að hámarki 18 gráðum.
Næstu daga er spáð norðaustlægum vindi áfram og einnig að það haldist bjart í Reykjavík fram yfir helgi með köflum.
Bindur vonir við að koma fjárlögunum í gegn
Engin læknisþjónusta á heilsugæslunni í verkfalli
Alvarlega veikar og greindust að lokum með alnæmi
Endurskoða starfsleyfi bálstofu kirkjugarðanna
Skúli sýknaður en 780 milljóna greiðslum rift
Víðir gerir upp mistök frá covid-tímanum
„Þetta var hræðileg stund“
Kílómetragjald: „Mikilvægt að málið verði klárað fyrir þinglok“