„Súpa seyðið“ af stjórnarsamstarfi

„Það kemur í sjálfu sér ekkert á óvart að Flokkur fólksins mælist stærri en Björt framtíð og Viðreisn, vegna þess að þau eru auðvitað að súpa seyðið af því að hafa gengið allt of langt á forsendum Sjálfstæðisflokksins í stjórnarsamstarfinu og gengið á bak orða sinna frá því í kosningabaráttunni.“

Þetta segir Logi Már Einarsson, formaður Samfylkingarinnar, um niðurstöður nýrrar könnunar MMR á fylgi flokkanna, sem um er fjallað í Morgunblaðinu í dag.

Bjarni Benediktsson forsætisráðherra telur of skammt liðið af kjörtímabilinu til að draga of miklar ályktanir af könnun MMR.