Dísa dýpkar Landeyjahöfn

Dæluskipið Dísa, sem er í eigu Björgunar, er nú við vinnu í Landeyjahöfn við að dýpka mynni hafnarinar.

Sigurður Áss Grétarsson, framkvæmdastjóri siglingasviðs Vegagerðarinnar, segir í Morgunblaðinu í dag, að dæluskipið sé að vinnu þar sem það hafi grynnkað í höfninni undanfarið vegna stórstreymis. Herjólfur þurfti að aflýsa sex ferðum í síðustu viku vegna ónógs dýpis á fjöru.

Sigurður Áss segir að stefnt sé að því að aðgerðum ljúki í lok vikunnar fyrir verslunarmannahelgina.