Björgvin Karl Guðmundsson vann fyrir skömmu sinn riðil í fjórðu keppnisgrein heimsleikanna í crossfit sem fara nú fram í Wisconsin í Bandaríkjunum.
Hlutirnir líta því betur út fyrir hann núna heldur en í síðustu grein í gær þar sem hann lenti í ellefta sæti.
Fjórða greinin er eins konar þrautabraut þar sem keppt er við tímann.
Eftir að karlarnir hafa lokið keppninni munu konurnar spreyta sig á þrautinni, þar á meðal þær Ragnheiður Sara Guðmundsdóttir, Katrín Tanja Davíðsdóttir, Annie Mist Þórisdóttir og Þuríður Erla Helgadóttir.
Hægt er að fylgjast með leikunum í beinni og allar nánari upplýsingar um mótið er að finna á heimasíðu og samskiptamiðlum leikanna.