„Miðað við þann fjölda sem við erum að flytja er ljóst að þetta er með stærstu Þjóðhátíðunum. Í gegnum okkur hafa líklega aldrei farið fleiri,“ segir Gunnlaugur Grettisson, framkvæmdastjóri Sæferða, í samtali við mbl.is, en mikill fjöldi fólks hefur farið með ferjunum Herjólfi og Akranesi til Eyja í dag og gær.

„Herjólfur er á áætlun með gríðarlegan fjölda af fólki samkvæmt því sem við megum og Akranesið er að sigla líka. Það byrjaði rólega í morgun en hefur verið að þéttast og er fullt í næstu þrjár ferðir með Akranesinu,“ segir Gunnlaugur.

Með brosverki í kjálkunum

Hann segir daginn hafa verið frábæran, og allt stefni í mikla og góða gleði. „Ég er með verki í kjálkunum ég er búinn að brosa svo mikið,“ segir hann glaður í bragði.

Gunnlaugur er staddur í Herjólfsdal þegar blaðamaður nær tali af honum, en þar var Þjóðhátíð sett klukkan hálf þrjú. „Hér er bros á öllum vörum og stefnir í frábæra helgi,“ segir Gunnlaugur og bætir við að blíðskaparveður sé á eynni. „Þetta er afbragðsdagur.“

Gunnlaugur Grettisson, framkvæmdastjóri Sæferða. mbl.is/Eggert Jóhannesson

Tengdar fréttir

Verslunarmannahelgin 2017

Átta kynferðisbrot verið tilkynnt

• Fréttir af ólátum „orðum auknar“
• Þrjú kynferðisbrot í Eyjum
• Umferð jókst mest á Norður- og Austurlandi
• Tilraun sem tókst ótrúlega vel

» Fleiri tengdar fréttir

• Blogga um frétt