Björgvin Karl Guðmundsson er í þriðja sæti í karlaflokki á heimsleikunum í crossfit að loknum þremur keppnisgreinum. Ragnheiður Sara Sigmundsdóttir er í því sjötta  í kvennaflokki.

Frétt af mbl.is

Björgvin í þriðja sæti

Keppt var í upphífingum og snörun í þriðju keppnisgreininni seint í gærkvöldi og reyndist hún Íslendingunum óþægur ljár í þúfu. Björgvin Karl varð í ellefta sæti í greininni og Ragnheiður Sara í því tólfta.

Katrín Tanja Davíðsdóttir, sem á titil að verja,  varð í 24. sæti í greininni en hún er í áttunda sæti í kvennaflokki í heildarstigakeppninni.

Annie Mist Þórisdóttir, varð fimmtánda í greininni, og er hún í tíunda sæti í heildarstigakeppninni.

Þuríður Erla Helgadóttir lenti í 16. sæti í greininni og er hún jafnframt í 16. sæti í heildarkeppninni.  

Frétt af mbl.is

Markmiðið að gera betur en í fyrra

Frétt af mbl.is

Björgvin og Sara fyrst Íslendinga í mark

Í liðakeppninni eru íslensku liðin Crossfit XY og Crossfit Reykjavík í 21. og 22. sæti eftir þrjár keppnisgreinar.

Heimsleikarnir í crossfit halda áfram eftir hádegi í dag og fyrst verður keppt í þrautabraut.

Hægt er að fylgjast með leikunum í beinni og allar nánari upplýsingar um mótið er að finna á heimasíðu og samskiptamiðlum leikanna.

Tengdar fréttir

Crossfit

Bergrós fimmta besta í heimi

• Staðfesta nafn látins Crossfit-keppanda
• Íslenskar crossfit-stjörnur minnast hins látna
• Fannst látinn á heimsleikunum
• Telja keppanda hafa drukknað á heimsleikunum

» Fleiri tengdar fréttir

• Blogga um frétt