Sænsku fréttaskýringarþættirnir Uppdrag granskning, sem fjölluðu um Panamaskjölin fyrir rúmu ári, hafa verið tilnefndir til Emmy-verðlauna í flokki efnis um málefni líðandi stundar.

Viðtal Sigmundar Davíðs Gunnlaugssonar, fyrrverandi forsætisráðherra Íslands, vakti athygli víða um heim eftir að það birtist í þættinum. Hófst þá atburðarás sem endaði með því að hann sagði af sér embætti sínu.

„Ég held að þessi fréttaskýring sé á meðal þeirra bestu sem Sven og ég höfum gert saman undanfarin 20 ár sem rannsóknarblaðamenn,“ segir Joachim Dyfvermark, annar þáttastjórnendanna, og nefnir þar kollega sinn Sven Bergman, í samtali við sænska ríkisútvarpið SVT.

„Við erum mjög stoltir og mér finnst ákaflega mikilvægt að varpa sérstöku ljósi á samvinnuna með íslenskum vini okkar, Jóhannesi Kristjánssyni, og hinum rannsóknarblaðamönnunum í alþjóðlega ICIJ-hópnum,“ segir Bergman.

Er þetta í fyrsta sinn sem afurð SVT er tilnefnd til Emmy-verðlaunanna, sem þykja þau virtustu í Bandaríkjunum á sviði sjónvarps.

Tengdar fréttir

Panamaskjölin

Ramon Fonseca látinn

• Fyrrverandi forsetar Panama ákærðir
• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Pólitísk aftaka í beinni hjá Rúv " allra " landsmanna.