Tvö kynferðisbrotamál komu upp í umdæmi lögreglunnar á Suðurlandi frá því á fimmtudaginn. Þetta staðfestir Sveinn Kristján Rúnarsson yfirlögregluþjónn í samtali við mbl.is.

Áður hefur mbl.is greint frá því að tvö kynferðisbrot hafi komið upp í Vestmannaeyjum. Þá hefur verkefnastjóri á neyðarmóttöku fyrir þolendur kynferðisofbeldis á Landspítalanum sagt að fimm mál hafi komið upp um helgina.

Bæði málin á Suðurlandi komu upp á tjaldsvæðum og eru þau til rannsóknar hjá lögreglu og var allavega einn maður handtekinn í tengslum við seinna málið.

Enginn er þó enn í haldi að sögn Sveins. Segir hann að í báðum málunum sé vitað hverjir meintir gerendur séu. Segir hann að sér að vitandi hafi ekki verið lagðar fram kærur í málunum.

Tengdar fréttir

Verslunarmannahelgin 2017

Átta kynferðisbrot verið tilkynnt

• Fréttir af ólátum „orðum auknar“
• Þrjú kynferðisbrot í Eyjum
• Umferð jókst mest á Norður- og Austurlandi
• Tilraun sem tókst ótrúlega vel

» Fleiri tengdar fréttir

• Blogga um frétt