„Ég held að þetta verði erfiður vetur fyrir margar bílaleigur, alveg klárlega. Þessi fjöldi bílaleigubíla sem er núna er of mikill miðað við eftirspurn,“ segir Steingrímur Birgisson, forstjóri Hölds/Bílaleigu Akureyrar, um þann metfjölda bílaleigubíla sem er á landinu í ár. „Þessi fjöldi bílaleigubíla, sem er núna 26 þúsund, þýðir bara að menn hafa offjárfest.“

Steingrímur telur líklegt að óraunhæfar væntingar um fjölda ferðamanna hafi valdið þessum offjárfestingum. „Það er alltaf verið að tala um fjölgun á ferðamönnum en inni í því eru farþegar sem fara inn og út af flugvellinum án þess að koma inn í landið. Maður heyrir það núna, það er minnkun á Vestfjörðum, minnkun á Austfjörðum og miðað við þær upplýsingar sem ég hef þá standa hlutirnir í stað á Akureyri. Þetta eru bara rauntölur,“ segir Steingrímur.

Samtök ferðaþjónustunnar hafa óskað eftir að stjórnvöld endurskoði skattlagningu á bílaleigur í heild.

Tengdar fréttir

Ferðamenn á Íslandi

Farþegum fjölgaði um 12%

• Eyfellingar mótmæla áformum um hótel
• Stórfelld uppbygging áformuð við Holtsós
• Ferðamaður sem slasaðist þakkaði fyrir sig
• Stórkostlegt bónorð í Mýrdalsjökli

» Fleiri tengdar fréttir