Forseti Íslands, Guðni Th. Jóhannesson, ætlar að hlaupa hálft maraþon í Reykjavíkurmaraþoninu á morgun til stuðnings PIETA Ísland, félags sem hyggst bjóða upp á úrræði fyrir einstaklinga í sjálfsvígshugleiðingum og þá sem stunda sjálfsskaða. 

„Ég hvet alla, sem geta látið fé af hendi rakna, til þess að heita á hlaupara og styðja góðgerðarsamtök,“ segir forsetinn á Facebook-síðu sinni en tekur fram að hann sé þó ekki skráður hlaupari fyrir félagið í áheitakerfi hlaupsins.

Guðni hvetur hins vegar alla sem hafa hug á að styrkja PIETA Ísland að heita á aðra hlaupara sem ætla að styðja félagið. Þar sé um fjölmargt gott fólk að ræða.

Tengdar fréttir

Reykjavíkurmaraþon

Hægðalosandi smakk óhentugt fyrir hlaup

• Tíðavörur eigi að vera jafn aðgengilegar og klósettpappír
• Ræsir maraþonið og bakar vöfflur
• 14.300 hlauparar skráðir í Reykjavíkurmaraþonið
• Hleypur í minningu litlu systur sinnar

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Af hverju hleypur hann ekki gegn spillingu?