Nóró-veira útilokuð í Hvassaleiti

Unnið er að sótthreinsun í Hvassaleiti, annarri af tveimur starfsstöðvum Háaleitisskóla, eftir að meira en helmingur starfsfólks veiktist af magakveisu.

Að sögn Hönnu Guðbjargar Birgisdóttur, skólastjóra Háaleitisskóla, er búið að útiloka að um nóró-veiru sé að ræða.

Nákvæm niðurstaða á orsökum veikindanna hefur ekki fengist en búist er við henni síðar í dag.

Alls starfa 36 á starfsstöðinni í Hvassaleiti.

Frétt af mbl.is

Skólasetningu frestað vegna magakveisu

Ákveðið var að fresta skólasetningu um tvo daga vegna magakveisu starfsfólksins og er hún fyrirhuguð á morgun.

„Fólk er enn hundlasið. Það er verið að sótthreinsa skólann og við búumst við að geta byrjað á morgun en við verðum kannski ekki með fullt hús af fólki. Þetta virðist vera mjög þrálátt og taka langan tíma,“ segir Hanna Guðbjörg.

Hanna Guðbjörg Birgisdóttir, skólastjóri Háaleitisskóla. mbl.is/Ómar

• Blogga um frétt