Í sjálfheldu á Fimmvörðuhálsi

Björgunarsveitir á Suðurlandi voru boðaðar út rétt fyrir hádegi vegna illa búins göngumanns í sjálfheldu á Fimmvörðuhálsi.

Hann hafði lagt af stað gangandi frá Þórsmörk í gærkvöldi og gisti á Fimmvörðuhálsi í nótt.

Hann náði sjálfur sambandi við Neyðarlínuna og óskaði eftir aðstoð, orðinn kaldur og áttavilltur, að því er kemur fram í tilkynningu frá Slysavarnafélaginu Landsbjörg.

Með hjálp farsíma mannsins var hægt að áætla staðsetningu og eru hópar björgunarsveitarmanna á leið á það svæði að leita hans.

• Blogga um frétt