Í fjárlagafrumvarpi fyrir næsta ár er lagt til að sérstakt gjald til Ríkisútvarpsins, útvarpsgjald, hækki úr 16.800 krónum í 17.200 krónur, í samræmi við áætlaðar verðlagsbreytingar.

Útvarpsgjaldið er lagt á einstaklinga 16-70 ára, sem eru með tekjuskattstofn yfir tekjumörkum en undanþegnir frá gjaldinu eru elli- og örorkulífeyrisþegar sem dvelja á dvalar- og hjúkrunarheimildum og þeir sem eru 70 ára og eldri í lok tekjuársins Gjaldskyldan hvíli einnig á innlendum lögaðilum.

Útvarpsgjaldið hækkaði stöðugt frá 2010 þegar það var 17.200 krónur til ársins 2014 þegar það fór upp í 19.400 krónur. Gjaldið var síðan lækkað í 16.400 krónur árið 2016 en mun nú hækka aftur upp í 17.200 krónur.

Fjárheimildir Ríkisútvarpsins aukast um 198 milljónir króna og rekstrarframlög eru áætluð 4.164 milljónir.

Tengdar fréttir

Fjárlagafrumvarp 2018

Vegabréfsáritanir stóraukast á Indlandi

• Leiðir til að lyfta fólki upp úr fátækt
• Léttvínskassinn hækkar um 500 krónur
• Mælti með hóflegum auðlegðarskatti
• FA segir jöfnun gjalda yfirvarp

» Fleiri tengdar fréttir

• 2 blogg um fréttina

Bloggað um fréttina

• Ásgrímur Hartmannsson: Þetta hefðu þeir geta sparað okkur
• Jóhann Elíasson: ER EITTHVAÐ FREKAR ÁSRÆÐA TIL AÐ ÚTVARPSGJALDIÐ FYLGI BREYTINGUM Á …