Mikið álag vegna fjarveru Herjólfs

„Það er búið að vera stanslaust flug frá Bakka og tvær aukavélar frá Erninum,“ segir Ingibergur Einarsson, flugfjarskiptamaður í flugturninum á Vestmannaeyjaflugvelli.

Viðgerðir á Herjólfi hafa tafist vegna þess að varahlutir munu ekki berast til landsins fyrr en í lok september. Mikið álag var því á flugi milli lands og Eyja í gær í fjarveru Herjólfs.

Í umfjöllun um mál þetta í Morgunblaðinu í dag segir Elliði Vignisson, bæjarstjóri í Vestmannaeyjum, að skertar samgöngur sem þessar séu ekki boðlegar fyrir heimamenn.