Sigmundur Davíð með meira fylgi en Framsókn
Baldur Guðmundsson
Setja bókamerki
Fylgi við Sigmund Davíð Gunnlaugsson, sem boðað hefur stofnun nýs framboðs, mælist 7,3% í nýrri skoðanakönnun MMR. Hann mælist með meira fylgi en Framsóknarflokkurinn, sem mælist með 6,4% fylgi.
Vinstri hreyfingin grænt framboð, VG, mælist í könnuninni stærsti flokkur landsins, líkt og í könnun sem Félagsvísindastofnun gerði fyrir Morgunblaðið í síðustu viku. Fylgið mælist 24,7% en stuðningur við Sjálfstæðisflokkinn mælist 23,5%.
Samfylkingin og Píratar mælast með um 10% fylgi hvor flokkur en Flokkur fólksins mælist með 8,5% fylgi. Ríkisstjórnarflokkarnir Viðreisn og Björt framtíð ná ekki 5% markinu í þessari könnun en fylgi Viðreisnar mælist 4,9%. Fylgi Bjartrar framtíðar mælist 2,5%.
Stuðningur við ríkisstjórnina, sem starfar sem starfsstjórn, mælist 22,5% en var 29,5% í síðustu könnun MMR.
Könnunin var gerð 26.-28. september og var heildarfjöldi svarenda 1012 einstaklingar, 18 ára og eldri. Tekið skal fram að vikmörk miðað við þessa stærð af úrtaki geta verið allt að 3,1% - raunverulegt fylgi flokkanna getur verið einhversstaðar á bili sem er 3,1 prósentustigi hærra eða lægra en niðurstaðan gefur til kynna.
Erfiðara mun reynast að verja Svartsengi
Kílómetragjald: „Mikilvægt að málið verði klárað fyrir þinglok“
Stjórnvöld stíga ekki inn í kjaradeilurnar
Biðlistar eftir skurðaðgerðum gætu lengst
„Þetta var hræðileg stund“
Ábendingar borist vegna leikskóla
Kvikusöfnun 80% af því sem var fyrir síðasta gos