Meirihluti vill nýja stjórnarskrá

Meirihluti Íslendinga, eða 56%, þykir mikilvægt að fá nýja stjórnarskrá á næsta kjörtímabili. Þetta kemur fram í nýrri könnun MMR á afstöðu Íslendinga til nýrrar stjórnarskráar á næsta kjörtímabili.

Fram kemur, að Íslendingar sem búsettir hafi verið á höfuðborgarsvæðinu hafi verið líklegri til að þykja það mikilvægt að fá nýja stjórnarskrá (61%) en þeim sem búsettir voru á landsbyggðinni (47%).

Enn fremur segir, að 91% af stuðningsfólki Samfylkingarinnar og 92% af stuðningsfólki Pírata þyki það mikilvægt að fá nýja stjórnarskrá.

Einungis 15% af stuðningsfólki Sjálfstæðisflokksins þótti það mikilvægt að fá nýja stjórnarskrá á næsta kjörtímabili.

76% Vinstri grænna, 40% Framsóknar og 39% Viðreisnar þótti það mikilvægt að fá nýja stjórnarskrá fyrir næsta kjörtímabil.

Könnunin var framkvæmd dagana 26. til 28. september 2017 og var heildarfjöldi svarenda 1.012 einstaklingar, 18 ára og eldri.

• 2 blogg um fréttina

Bloggað um fréttina

• Páll Vilhjálmsson: Vinstriflokkarnir og eftirlætismálið
• Jóhann Elíasson: ÆTLI ALLT ÞETTA FÓLK HAFI "LESIÐ" NÚVERANDI STJÓRNARSKRÁ???????