Fjölmennt er á Mímisbarnum á Hótel Sögu þar sem umræður fara fram um möguleikann á stofnun nýs kvennaframboðs.

Sóley Tómasdóttir, fyrrverandi borgarfulltrúi Vinstri grænna, boðaði til fundarins.

Hún hvatti konur til að láta sjá sig og sagði á Facebook að þrátt fyr­ir aðdrag­anda stjórn­arslit­anna, #höf­um­hátt og há­væra kröfu kvenna um breytt sam­fé­laga hefði orðið alvarlegt bakslag í jafnréttismálum hér á landi.

„Kvennaframboð sem setur öryggi, aðstæður og tækifæri kvenna af öllum gerðum og stærðum á oddinn er möguleiki sem vert er að athuga nánar. Fundum strax á meðan reiðin ólgar og reynum að beina henni inn í jákvæðan farveg í þágu okkar allra?“