Ólík afstaða kjósenda til RÚV

Marktækur munur er á afstöðu fólks til hlutleysis RÚV eftir því hvaða stjórnmálaflokk það styður samkvæmt netkönnun Gallup fyrir Fjölmiðlanefnd í maí í fyrra.

Meðal kjósenda Framsóknarflokksins og Sjálfstæðisflokksins er sú skoðun útbreidd að RÚV sé hlutdrægt í fréttaflutningi.

Í umfjöllun um mál þetta í Morgunblaðinu í dag segir Magnús Geir Þórðarson útvarpsstjóri  könnunina ómarktæka. Hún hafi verið gerð á afar óvenjulegum tíma, aðeins fáeinum vikum eftir fall þáverandi ríkisstjórnar og umfjöllun Kastljóss um Panama-skjölin.