Kattarshians til Bandaríkjanna

Bandaríska sjónvarpsstöðin UPTV hefur keypt streymisréttinn að Kattarshians, beinni útsendingu frá lífi og leikjum nokkurra kettlinga sem þegar hefur vakið mikla lukku hér á landi. Sagafilm framleiðir efnið sem sent verður til Bandaríkjanna, að því er kemur fram í fréttatilkynningu frá framleiðslufyrirtækinu.

UPTV er bandarísk afþreyingarsjónvarpsstöð í eigu UP Entertainment. Sjónvarpsstöðin sérhæfir sig í fjölskyldutengdu efni og þykir raunveruleikaþátturinn um íslensku kettlingana passa einkar vel inn í dagskrána. Auk beinu útsendingarinnar í rauntíma mun UPTV láta framleiða vikulega þætti þar sem farið verður yfir það markverðasta úr lífi kettlinganna þá vikuna. Þættirnir hafa hlotið nafnið Meow Manor og verða sýndir í línulegri dagskrá stöðvarinnar.

Kattarshians-verkefnið er unnið í samvinnu Sagafilm við Kattavinafélag Íslands og er markmið þess að finna varanleg og góð heimili fyrir kettlingana. Hægt er að fylgjast með kettlingunum hér.

Frétt af mbl.is

Kettir hvíld frá klikkuðum heimi

• Blogga um frétt