60% aukning í sölu á rafbókum hér í ár

Mikill kippur hefur komið í framboð og í kjölfarið sölu á rafbókum hér á landi, að því er fram kemur í Morgunblaðinu í dag.

Að sögn Egils Arnar Jóhannssonar, framkvæmdastjóra Forlagsins, hefur orðið 60% aukning í sölu á rafbókum fyrstu níu mánuði ársins.

„Og þreföldun nú fyrstu vikuna í nóvember,“ segir Egill sem telur að þetta sé viðbót við hefðbundna bóksölu og snúi ekki síst að yngri kynslóðinni.