Björt Ólafsdóttir nýr formaður Bjartrar framtíðar

Björt Ólafsdóttir var í dag sjálfkjörin sem nýr formaður Bjartrar framtíðar á aukaaðalfundi flokksins sem haldinn er á Hótel Cabin. Fundurinn hófst klukkan 11 og þar sem Björt var ein í framboði til formanns var hún formlega valin sem formaður með lófataki rétt fyrir hádegi.

Björt tekur við af Óttari Proppé, en hann sagði af sér embætti í lok síðasta mánaðar.

Þrjú framboð bárust vegna kosningar á embætti stjórnarformanns flokksins. Eru þau Nichole Leigh Mosty, Theodóra Sigurlaug Þorsteinsdóttir og Ágúst Már Garðarsson í framboði.

• 1 blogg um fréttina

Bloggað um fréttina

• Þorsteinn Siglaugsson: Birtir yfir framtíðinni?