„Það verður loftbrú milli Íslands og Rússlands,“ segir Skúli Mogensen forstjóri WOW air. Eftir helgina mun flugfélagið hefja sölu á ferðum til allra þriggja borganna þar sem íslenska karlalandsliðið mun keppa á á loka­keppni heims­meist­ara­mótsins í sumar. Borgirnar þrjár eru Moskva, Volgograd og Rostov. 

Unnið er að því að taka á móti pöntunum á flugi, að sögn Skúla. Eftir helgi kemur í ljós hversu mörg flugin verða. 

Icelandair hóf sölu á einu flugi til borganna þriggja í gær. Flugið til Moskvu seldist upp á um klukkutíma en Ísland mætir Argentínu í fyrsta leik liðsins á mótinu 16. júní. „Við áttuðum okkur á því að þegar búið var að draga í riðla að flestir vildu sjá fyrsta leikinn, bæði er það staðsetningin og mótherjinn,“ segir Guðjón Arngrímsson upplýsingafulltrúi Icelandair. 

Eftir helgina verður það kannað hvort boðið verður upp á fleiri flugferðir til Moskvu, að sögn Guðjóns. Enn eru sæti laus í hin flugin. Flugmiði með tveggja nátta gistingu í tvíbýli kostar 185 þúsund fyrir utan miða á leikinn sjálfan en þeir fara í sölu 5. desember.  

Tengdar fréttir

Ísland á HM 2018

Skyldur flestum í íslenska landsliðinu

• Síðustu fóru að sofa klukkan níu í morgun
• Íslensku treyjurnar rjúka út
• Fundur Íslands í Volgograd
• Fólk í vandræðum í Rússlandi

» Fleiri tengdar fréttir

• Blogga um frétt