Andrés reiknar með nefndarsetu
Setja bókamerki
Andrés Ingi Jónsson, þingmaður Vinstri grænna, segist reikna með því að sitja í nefnd Alþingis á komandi kjörtímabili þrátt fyrir að hafa ekki stutt stjórnarsáttmála nýrrar ríkisstjórnar.
„Ég er búinn að nefna við Bjarkeyju [Olsen Gunnarsdóttur, þingflokksformann VG] hvaða nefndir ég myndi helst vilja eins og við gerðum í upphafi síðasta kjörtímabils,“ segir Andrés Ingi. Hún mun í framhaldinu raða fólki í þingnefndir.
Í lögum um þingsköp Alþingis kemur fram að hver alþingismaður eigi rétt á sæti í að minnsta kosti einni nefnd en enginn má þó eiga sæti í fleiri en tveimur fastanefndum.
Katrín Jakobsdóttir forsætisráðherra sagði í samtali við mbl.is í gær að hún vænti þess að bæði Andrés Ingi og Rósa Björk Brynjólfsdóttir, þingmaður VG, yrðu í nefndum Alþingis en Rósa Björk greiddi einnig atkvæði gegn stjórnarsáttmálanum.
Fastanefndirnar eru átta talsins: Allsherjar- og menntamálanefnd, atvinnuveganefnd, efnahags- og viðskiptanefnd, fjárlaganefnd, stjórnskipunar- og eftirlitsnefnd, umhverfis- og samgöngunefnd, utanríkismálanefnd og velferðarnefnd.
Ríkisstjórnin hefur lagt fram tillögu um að stjórnarandstaðan fari með forystu í þremur þingnefndum, eða stjórnskipunar- og eftirlitsnefnd, umhverfis- og samgöngunefnd og velferðarnefnd.
Þungt hugsi yfir ofbeldinu
Kvikusöfnun 80% af því sem var fyrir síðasta gos
/frimg/1/51/19/1511999.jpg)
Lenda í háska í óskipulögðum jöklaferðum
Bindur vonir við að koma fjárlögunum í gegn
Stjórnvöld stíga ekki inn í kjaradeilurnar
Konur og börn „næstum 70%“ látinna á Gasa
Engin læknisþjónusta á heilsugæslunni í verkfalli