Hafmeyjan hvílir á botni Tjarnarinnar

Hafmeyjan eftir Nínu Sæmundsson féll af stalli sínum í Reykjavíkurtjörn í óveðrinu sem gekk yfir í byrjun nóvember síðastliðins.

„Hún hefur bara stungið sér til sunds í óveðrinu,“ segir Sigurður Trausti Traustason, deildarstjóri hjá Listasafni Reykjavíkur, í umfjöllun um örlög styttunnar í Morgunblaðinu í dag.

Hafmeyjan verður kirfilega fest þegar hún verður hífð upp að nýju. Það verður gert þegar veður leyfir.