Tveir heppnir lottóspilarar voru með allar tölur réttar í lottóútdrætti kvöldsins og fá þeir hvor rúmar 3,8 milljónir króna í sinn hlut. Annar miðinn var keyptur í lotto.is en hinn var í áskrift.
Fjórir voru með bónusvinninginn og hlýtur hver þeirra tæpar 85.000 krónur. Miðarnir voru keyptir í Leirunesti á Akureyri, Olís Norðlingaholti, 10-11 Suðurfelli og Skalla í Hraunbæ.
Lottótölur kvöldsins: 3 6 14 16 21
Bónustala: 15
Enginn var hins vegar með allar tölurnar réttar í réttri röð í Jókernum að þessu sinni, en fimm voru með fjórar réttar tölur í réttri röð og fá þeir 100.000 kr. hver í sinn hlut. Fjórir miðanna voru keyptir í áskrift, en einn hjá Olís í Keflavík.
Jókertölur: 5 6 0 4 5