„Við eigum eftir að sitja hérna fram á kvöld og nótt geri ég ráð fyrir,“ segir Gunnar R. Jónsson, formaður samninganefndar flugvirkja, í samtali við mbl.is. Fundur vegna kjaradeilu flugvirkja og Icelandair hefur staðið yfir síðan klukkan fimm í dag.
Aðspurður segir Gunnar þokkalega stemningu í sínum hópi en dagurinn hafi verið erfiður. Lítið var að frétta af stöðu mála sem stendur.
„Það er ekkert hægt að segja núna. Því miður á ég bara engin svör.“