Telur Icelandair stóla á lagasetningu
Setja bókamerki
„Þetta lyktar svolítið af því að þeir séu farnir að stóla á lagasetningu,“ segir Gunnar R. Jónsson, formaður samninganefndar flugvirkja, um Icelandair.
Hann segir stöðuna vera orðna strembna og að Icelandair hafi ekki sýnt fram á mikinn samningsvilja í fundarhöldunum í gær.
„Við áttum von á því að þetta myndi klárast í gær. Það kom okkur mjög á óvart að Icelandair skyldi hafna sáttatillögu ríkissáttsemjara sem við vorum búnir að samþykkja,“ segir Gunnar en bætir við að tillagan hafi verið óformleg.
Magnús Jónsson aðstoðarríkissáttasemjari sagði við mbl.is í morgun að hann hefði ekki lagt fram sáttatillögu í deilunni heldur hafi aðeins verið um óformlegar þreifingar að ræða. Það kemur einnig fram á vefsíðu ríkissáttasemjara.
Spurður hvort flugvirkjar hafi verið ánægðir með tillöguna segir Gunnar þá ekki beint hafa verið ánægða með hana en þeir hafi ákveðið að fallast á hana. „Við vorum að teygja okkur svolítið á móti.“
Hann hafði ekki fengið fundarboð frá ríkissáttasemjara um næsta sáttafund í deilunni þegar blaðamaður hafði samband við hann.
„Höfum sloppið bærilega með skaða af þessu gosi“
Sjötti ferðamaðurinn er látinn
Dómur þyngdur um þrjú ár
Viðræður ekkert þokast frá því á þriðjudag
/frimg/1/53/8/1530849.jpg)
Fatlaður drengur fær ekki þjónustu í verkfalli
Drónamyndskeið frá hápunkti gossins í nótt