Flestir komast á áfangastað í dag

Strax og kjarasamningur Flugvirkjafélags Íslands og Samtaka atvinnulífsins var undirritaður í nótt gengu flugvirkjar hjá Icelandair til starfa og fóru að gera flugvélar klárar til flugs.

Þetta segir Guðjón Arngrímsson, upplýsingafulltrúi Icelandair.

Frétt af mbl.is

Ánægður með lengd samningsins

Hann bætir við að allt sé núna á rétti leið hjá flugfélaginu eftir um tveggja sólarhringa verkfall flugvirkja sem varð til þess að fjölda flugferða var aflýst með tilheyrandi vandkvæðum.

„Við erum að sjá áætlunina í morgun ganga mjög vel, með allnokkurri seinkun að vísu. Það er verið að fljúga á nánast alla staði og við sjáum ekki annað en að það gæti gengið líka síðdegis í dag,“ segir Guðjón og býst við því að allt verði komið í eðlilegt horf á morgun. Flestir farþegar muni þó komast á áfangastað í dag.

Guðjón Arngrímsson, upplýsingafulltrúi Icelandair. mbl.is/Styrmir Kári

Spurður út í kostnaðinn sem hlýst af verkfallinu segir Guðjón að hann verði skoðaður núna í framhaldinu. Stór kostnaðarliður hefur verið að koma farþegum yfir á önnur flugfélög, auk þess sem farþegum hefur meðal annars verið endurgreiddur kostnaður sem fylgir því að fara á hótel.

• Blogga um frétt