„Leiðréttingar eftir 12 ára kyrrstöðu“

Agnes M. Sigurðardóttir, biskup Íslands, segir það ekki í sínum verkahring að tjá sig um niðurstöðuna í úrskurði kjararáðs um launakjör í prestastétt. „Eðlilegt er þó að benda á að um er að ræða kerfisbreytingar og launaleiðréttingar eftir tólf ára kyrrstöðu að undanskilinni kjaraskerðingu hjá prestastéttinni á árinu 2009,“ segir hún á vefsíðu biskupsembættisins. 

Frétt af mbl.is

Laun biskups hækka

Agnes bætir við að prestafélag Íslands hafi lagt mikla vinnu í að gera kjararáði grein fyrir starfsumhverfi og starfsskyldum presta og biskupa. Á meðal gagna sem voru lögð fram voru lýsing á daglegum verkefnum biskups Íslands sem hann hafi unnið að beiðni félagsins.

„Niðurstaða ítarlegrar skoðunar og endurmats kjararáðs á starfskjörum biskupa og presta liggur nú fyrir og þarf ekki að koma á óvart að ástæða hafi þótt til ýmissa breytinga og leiðréttinga. Að öðru leyti mun biskup Íslands ekki tjá sig um niðurstöðurnar né svara fyrirspurnum um persónulega afstöðu sína til þeirra.“

• 4 blogg um fréttina

Bloggað um fréttina

• Gunnar Heiðarsson: Dýrt er drottins orð
• Hallmundur Kristinsson: Gjaldið biskupi það sem biskups er
• Jóhann Elíasson: SLÁ KJARARÁÐ AF OG SETJA ALLT ÞETTA LIÐ UNDIR "SALEK" …
• Njörður Helgason: Hallærislegt.