Tveir bændur frá Hunkubökkum aðstoðuðu viðbragðsaðila við að ná tveimur slösuðum rútufarþegum undan rútunni sem fór út af vegi vestan við Klaustur fyrir hádegi í morgun. 

Frétt af mbl.is

Alvarlegt rútuslys - einn látinn

Í samtali við mbl.is staðfestir Björgvin Harðarson, annar bændanna tveggja, þetta og segir þá hafa aðstoðað slökkviliðið frá Vík og Kirkjubæjarklaustri og björgunarsveitina Kyndil frá Kirkjubæjarklaustri við að ná tveimur undan rútunni.

Þrír sjúkrabílar og tveir slökkvibílar eru á vettvangi og ein þyrla Landhelgisgæslunnar lenti á slysstað fyrr í dag. Að sögn Björgvins eru sjúkrabílarnir ekki farnir af vettvangi og eru þeir því að hlúa að slösuðum á slysstað. 

Líkt og fram kom í fyrri frétt mbl.is um málið voru á milli 40 og 50 manns í rútunni og eru einhverjir þeirra alvarlega slasaðir.

Tengdar fréttir

Rútuslys við Kirkjubæjarklaustur

Sex mánaða dómur vegna rútuslyss

• Fær sex mánaða dóm vegna rútuslyss
• Lést í kjölfar rútuslyssins
• Tveir enn á sjúkrahúsi eftir rútuslys
• Enn þá einn á gjörgæslu

» Fleiri tengdar fréttir

• 1 blogg um fréttina

Bloggað um fréttina

• Þorsteinn H. Gunnarsson: ,,Gamlir bændur bregðast síst", segir máltækið