Hrundi úr lofti Primera-vélar

Sjónvarpsskjár og plasthleri hrundu úr lofti vélar Primera Air í flugtaki í fyrrakvöld. Vélin, sem var leiguvél, lagði af stað frá Tenerife til Keflavíkur um klukkan sex í gærkvöldi.
Tafir voru á flugferðum Primera Air til og frá Tenerife í fyrradag.

Í skilaboðum sem flugfélagið sendi farþegum var það rakið til vonds veður á Íslandi, en afísa þurfti allar vélar sem komu frá Íslandi áður en þær gátu lagt af stað á ný.

Upphaflega átti vél félagsins að fara í loftið um klukkan þrjú, en farþegum tilkynnt að seinkun yrði á vélinni. Um sexleytið var farþegum hleypt um borð í flugvélina. Það var þó ekki vél merkt Primera heldur leiguvél sem lögð var við hlið hennar.

Ístruflanir urðu til þess að farþegar Primera Air urðu að fljúga heim með leiguvél.

Að sögn farþega var vélin í eigu spænska leiguflugfélagsins Privilige Style og „eldgömul“. Vélin var nýtekin á loft er plasthlerinn hrundi úr loftinu ásamt sjónvarpsskjá sem hékk úr honum. Á myndbandi sem farþegi tók sjást tvær flugfreyjur bisa við að festa hlerann án árangurs.

Þegar vélin hafði náð fullri hæð tókst loks að festa hlerann. Hún lenti heilu og höldnu í Keflavík um sex tímum síðar.

• 1 blogg um fréttina

Bloggað um fréttina

• Ómar Ragnarsson: "Er nokkur með...?"