Svínaði fyrir lögreglu á rauðu ljósi

Lögreglan á höfuðborgarsvæðinu birti myndband á Facebook-síðu sinni fyrr í kvöld þar sem ökumaður bifreiðar keyrir yfir á rauðu ljósi á Sæbraut. Minnstu munaði að bifreiðin hefði hafnað á lögreglubílnum, sem var að beygja inn á Sæbrautina. 

Lögreglumaðurinn sem sat við stýrið var því ekki lengi að kveikja á bláu ljósunum og stöðva ökumanninn. 

„Þessi ökumaður var heppinn að fá sekt – en að valda ekki slysi,“ segir í upphafi myndbandsins. 

Sekt fyrir að aka gegn rauðu umferðarljósi er 15.000 krónur og gefur tvo refsipunkta. 

Lögreglan birtir myndbandið á Facebook með þeim skilaboðum til ökumanna að hafa hugann við aksturinn.  

• 1 blogg um fréttina

Bloggað um fréttina

• Guðmundur Jónsson: Ýkjur og lygar