„Bjóst ekki við viðbrögðum frá rabbínum“
Setja bókamerki
„Ég gerði mér grein fyrir því að þetta mál myndi vekja athygli hér á Íslandi en ég bjóst ekki við viðbrögðum frá rabbínum í útlöndum,“ segir Silja Dögg Gunnarsdóttir, þingmaður Framsóknarflokksins.
Trúarleiðtogar gyðinga í Evrópu eru ósáttir við lagafrumvarp Silju Daggar og átta annarra þingmanna um að umskurður barna almennt verði bannaður með lögum að viðlagðri fangelsisrefsingu í stað þess að slíkt bann nái aðeins til stúlkna eins og nú er raunin.
„Ég hef fengið mjög góð viðbrögð hérna heima og þetta mál er ekki bundið við neina pólitík. Ég held að Íslendingar horfi á þetta sem barnaverndarmál og það er ástæðan fyrir því að ég legg þetta fram.“
Silja Dögg segist alls ekki vilja tengja málið við trúarbrögð, það eigi fyrst og fremst að snúast um barnavernd. „Löggjafinn á að gæta sérstaklega að réttindum barna vegna þess að þau geta ekki varið sig gegn ofbeldi.“
Hún segir að umskurður sé frekar tengdur menningu en trúarbrögðum og nefnir sem dæmi að umskurður sé algengur í sumum kristnum löndum.
Silja Dögg birti bréf á Facebook í gær sem ísraelskur gyðingur sendi henni og meðflutningsmönnum hennar. Í bréfinu segir hann að á meðal gyðinga og Ísraela sé vaxandi hreyfing gegn umskurði. „Hann sjálfur ákvað að umskera ekki drenginn sinn og hvatti okkur til dáða,“ segir Silja Dögg.
„Ég hef ekki fengið bréf frá rabbínum eða erlendum samtökum og satt að segja er mér alveg sama. Þetta snýst um barnavernd númer eitt, tvö, þrjú og fjögur.“
Forstjóri bendir á ábyrgð birgja vegna verðhækkana
Alvarleg netárás á Wise
Beint: Ný ríkisstjórn tekin við völdum
Var engin kristnitaka árið 1000?
„Tímabil aukinnar eldvirkni“
Bjarni: „Útilokað að þetta geti gengið upp“
Þetta eru ráðherrar ríkisstjórnarinnar
